主页 > 作文天文 >《Until Dawn》蝴蝶效应多重结局预你玩多几次到天光 >

《Until Dawn》蝴蝶效应多重结局预你玩多几次到天光

所属栏目:作文天文 发布时间:2020-06-10

《Until Dawn》蝴蝶效应多重结局预你玩多几次到天光

HKTV前几日宣布唔再拍剧,见魔童佢咁用心机但都係撑唔住,实在非常可惜,于是又剩返无限loop嘅亚洲亚洲同大陆胶剧浪接浪嘅无记,简直係不忍卒睹!面对如斯严峻环境别无他选下Kali唯有继续狂煲美剧!但原来好快会多另一选择,心水清嘅应该估到Kali讲嘅其实喺呢个月尾推出,完全美剧feel嘅PS4独佔游戏《Until Dawn》,将戏集同游戏两种元素二合一,啱晒唔锺意无限loop同胶剧嘅巴丝打!

乐极生悲害死人

《Until Dawn》由Supermassive games製作,属历险生存类嘅恐布游戏,Kali趁游戏仲未推出之际专程去Sony试玩咗4个chapters, 估计佔整只游戏35%左右。游戏故事讲一班朋友去Josh同佢两个孖生妹妹嘅渡假屋玩,有人提议玩恶搞激嬲咗对Twins,点知佢两个离开渡假屋后遇到神秘袭击,更被迫至悬崖尽头跌死,虽然件䅁过咗成年但都仲未查出遇害经过,估唔到第二年Josh又邀请上年有份参予嘅七位朋友重游旧地,开个party话悼念对孖女喎,係咪有啲野先?[adTag]

全荷里活班底扮演配音

呢只游戏请咗唔少荷里活演员助阵,咁啱Kali正係追睇近排一套劲cool美剧《Mr.Robot》, 一眼就认到担任男主角做反社会Hacker就正正喺游戏裏面演绎Josh嘅Rami Malek ,佢外貌阴沉面色苍白,好易令人联想佢係咪变态杀手,话唔定Josh呢个角色係想令玩家唔到最后都唔知边个係兇手,故弄玄虚啩! 除咗Sam - 美剧《Heroes》中不死身Cheerleader Claire呢位靓女角色(由Hayden Panettiere饰演),仲有扮心理医生嘅Dr Hill(Peter Stormare)、有型靓仔角色Mike(Brett Dalton)同靓女巴辣角色Jessica(Meaghan Martin),都係颇具知名度嘅演员。游戏裏面motion capture极细緻, 令角色面部表情自然,而表情越迫真就越有感染力!

Quick Time Event玩哂

游戏玩法以Quick Time Event为主要动作操控,玩嘅时间反应要够快,例如攀爬动作等按错就要重玩,但唔好以为啲掣同之前一样,每次都係random出,主要係考玩家反应,不过呢类QTE玩法对于大家用开Dualshock4嘅朋友,根本毫无难度!反而最难係玩射击,事关佢唔係其他shooting game用analog掣瞄準,以时限内移动个手制去到个圈位先可以发射,玩开shooting game嘅Kali喺呢度好似废哂武功咁……

蝴蝶效应影响不同结局

游戏里面玩家会透过所有角色去经历故事嘅发展,人物之间有好多感情轇轕,例如Mike前度Emily同现任女友Jessica有唔少闹交场面、Ashley同Chris正準备步入恋爱阶段 , 好多时游戏需要玩家选择以唔同态度去对话,或者两条路选择,最残酷要选择牺牲一个朋友救另一个,不论细微以至重大嘅决定,将会引发蝴蝶效应影响以后嘅剧情,即係结局唔会得一个啰! 路上不时执到嘅图腾可以预言会发生嘅事情。通常打机都唔会锺意bad ending , 死得太多人会好惨……所以每个决定都係责任重大!不过有说玩一次ending係唔会明白成个故事,要玩多几个天光先会看透玄机喎!

Kali玩后感

玩咗4个chapters,感觉完全係一套美剧咁,仲可以同你互动。平时睇美剧冇得自己拣决定,今次游戏结局就可以畀你操控,玩之余仲可参与其中,改变剧情去向!玩到后面真係好想知对孖女係畀咩追到跌死,Josh点解係都要上年有份搞事嘅朋友再次返去事发地点?有冇咩阴谋先? 好多疑问真係令人好想睇剧咁追落去玩。玩《Until Dawn》嘅过程中成日突然吓鬼你,不过,平时我睇鬼片惊吓片之类,冇一套会惊,往往反而笑居多……今次《Until Dawn》有个崭新功能叫Cheap Shots,只要喺PS Camera设定「攻其不备」,遇到游戏突然吓鬼时刻,就影你好差惊恐慌失失个样,虽然佢拍我时多数目无表情,或者笑多(係,我认係有啲唔正常!)不过出game后我準备请朋友们陪玩,然后静鸡鸡set返个camera ,嘻嘻……不过有PS Camera当然重要啦,但係朋友先係最最重要!

《Until Dawn》蝴蝶效应多重结局预你玩多几次到天光
◆ 有人话心理医生其实都係痴线嘅,呢个Dr Hill唔知係咪都係痴线嘅呢?如果痴线医个痴线,又会变成点?《Until Dawn》蝴蝶效应多重结局预你玩多几次到天光
◆ 睇图解 《Until Dawn》蝴蝶效应多重结局预你玩多几次到天光
◆ 本身唔係好惯睇中译英名,又长又怪,佢叫Chris 《Until Dawn》蝴蝶效应多重结局预你玩多几次到天光
◆ Heros女主角, 呢度叫Sam《Until Dawn》蝴蝶效应多重结局预你玩多几次到天光
◆ Mike现任女友Jessica 《Until Dawn》蝴蝶效应多重结局预你玩多几次到天光
◆ Mike 前度女友Emily 《Until Dawn》蝴蝶效应多重结局预你玩多几次到天光
◆ Emily现任男友Matt 《Until Dawn》蝴蝶效应多重结局预你玩多几次到天光
◆ 美剧Agents of shield 演Grant Ward嘅Brett Dalton,Until Dawn演风流角色Mike 《Until Dawn》蝴蝶效应多重结局预你玩多几次到天光
◆对Chris有好感嘅Ashley 《Until Dawn》蝴蝶效应多重结局预你玩多几次到天光
◆ Josh两个妹妹间接比呢班朋友害死 《Until Dawn》蝴蝶效应多重结局预你玩多几次到天光
◆ Rami Malek喺Mr Robot美剧中演正主角做患有精神病嘅Hacker, 演技出色,Until Dawn 入面演Josh, 个人觉得选角非常适合 《Until Dawn》蝴蝶效应多重结局预你玩多几次到天光
◆ 游戏中不时执拾物件或相片,将琐碎嘅事物串连,最后真相就会呼之欲出 《Until Dawn》蝴蝶效应多重结局预你玩多几次到天光
◆ 故事中加恶搞整蛊,故弄玄虚 《Until Dawn》蝴蝶效应多重结局预你玩多几次到天光
◆ 喺鬼佬世界,呢种叫三角尺仙,同碟仙有异曲同工之妙,不过佢嘅可能性比中文碟仙多好多,人哋24个英文字串乜都得啦!《Until Dawn》蝴蝶效应多重结局预你玩多几次到天光
◆ 如果有人喺窗边捉你出去,你会嗌唔好之外,仲会话,儍啦,呢度香港,平民区冇House, 43楼,Come On, Catch me if you can! 《Until Dawn》蝴蝶效应多重结局预你玩多几次到天光
◆ 痴线心理医生会成日问你好多问题,例如问你最锺意边个讨厌边个,问你最惊曱甴定内脏,我想话最讨厌689, 最惊饮铅水呀!《Until Dawn》蝴蝶效应多重结局预你玩多几次到天光
◆ 游戏入面好多QTE,但用惯PS手制嘅朋友,玩QTE又有咩好惊喎《Until Dawn》蝴蝶效应多重结局预你玩多几次到天光
◆ 最惨猪猪嘅时刻就係选择救边个朋友,捨弃边个朋友,妈呀,好残忍呀!咦,个game有bug....电剧唔係用嚟剧老树嘅咩?《Until Dawn》蝴蝶效应多重结局预你玩多几次到天光
◆ 为咗扮现实瞄準好难,全场最憎嘅qte出现了, 好难,好离地嘅感觉,呢只係我唯一玩唔倒嘅shooting game

《Until Dawn》蝴蝶效应多重结局预你玩多几次到天光



上一篇: 下一篇:

精彩文章